3 Gschichtn ausn Cafe Fesch

Lyrics

[Songtext zu "3 Gschichtn ausn Cafe Fesch"] [Strophe 1] Die erste Gschicht erzöht a kugelrunder Russ Vur erm steht a Hoibliterglasl Spiritus Und die Haxn vom Sessel biagn si durch, dassd glaubst Dass erm glei am Boden haut An Jogger hat er aun, a Loch in da Hosn A Kapperl, an Bort und dreckiges Lochn Er hoit tiaf Luft, er nimmt no an Schluck Ois wort auf sei Gschichtl, des er glei druckt Erzöht von ana Wohnung in da Nobilegossn Eh so kla, boid wird er nimma einipassn Jo de is so kla, do kaunst di netamol umdrahn Kuchl, Heisl, Schlofzimmer, ois is in Am Is so kla, do kaunst di net bewegen Und im Eck steht a Bett Mit da Mutter danebn De sudert mit erm in da Fruah und am Obend "Auweh, auweh, Bua, wosd ma du antuast Sterben mecht i und wies do ausschaut Suach da endlich a Frau de do a bissl zammramt Wauns deine Pornos sieht Rennts eh glei davo Dass di du net genierst, des wundert mit scho" [Strophe 2] Da Zweite is da Willi, da Chef von der Hittn Mit seine langen Federn sitzt er do, er hot a scho an sitzn A Peckerl am Ärmel mit an Kopf von an Tiger Die "Tigers" worn sei Gang und er wor da Leader Waunst mit denen an Wickl ghobt host bist besser grennt Die worn im fuffzehnten a Mocht, de hot jeder kennt Und da Willi hot a Tochter ghobt, die hot si'n goidenen gebn Er hots gfunden im Zimmer, mit da Pumpn daneben Im Handy wor no die Nummer vom Django drin "Du host ihr des Zeig andraht und jetzt is hin! Die Bim fohrt noch Simmering I kauf da an Fohrschein I brich da des Gnack Und du steigst in dein Sorg ein!" [Strophe 3] Do sitzns zamm, die Halodris Do wird erna net fad Und wauns olle do san Wird des Tiarl zuadraht Hatschata sogns zum dritten in da Hittn Hot er mitn Voda gstritten Hot ern eingsperrt in a Kistn "Scher di in Hoizpyjama", hots daun wieder ghassn Amoi hotan vagessn In da Kistn sitzn lossn Noch zwa Wochen is da Haxn ogsturbn Homs erm miassn amputieren Und a Prothesen besurgn Jetzt sitzt er do mit sein hölzernen Ban Pickt an zaum, zünd erm an und wird wach Blost den Rauch ins Gsicht von der Hur de auf sein Schoss hockt Sie sogt: "Daj mi cigaretu, jeboti kurac!"