Intro

Lyrics

[Treble] 'Ncete na radice Ca de la terra Ne trase direttamente intra lu core Poi passa intra lu sangu E ae manu intra la manu cull'ossigenu agnasciu Chieu nu tegnu bisognu cu la sentu intra de mie Ulia meju cu la senti puru tie Percé te isciu ca sbatti de na parte all'aura Senza cu sai ddhru stai e a ddhru sta bai Fuecu intra de tie Ca lu ceppune de la radice nu se stuta cchiui Ca na terra po' bessere puru povera Ma poi tocca guardi ce sorta de alberi de ulia ca ncete E ce vigne pe lu mieru niuru niuru comu lu niuru maru e la marvasia puru nui imu crisciuti de intra sta terra Ci de na manera e ci de n'aura Ci ha sciutu alla scola ci allu tabaccu Ci a tutte parti e ci a nuddhra Quarchetunu se n'ha sciutu E quarchetunu ha turnatu Perché lu fuecu de lu Salentu nu se l'ha scerratu Ca poi la terra po' ddentare ricca E nu ricca pe li sordi an pauta Ma riccu ampiettu e an capu De cultura, amore e radicazione Cultura, amore e radicazione Ca poi la vita de ognunu è diversa Ci ete masculu e ci ete fimmina Ci tene la vagnona e ci nu la troa mai Ci la tene beddhra e ci la tene racchia Ci stae a quai ci stae a ddhrai Ci viaggia e ci nu viaggia Ci fatia e ci nu fatia Ci nu ha bistu ca la chiesa de lu paise Ci chiange li morti e ci ni face la bara Ci pe fatia tocca se inne l'anima E ci te spara e te scunne de lu sule Ca te ene la voglia cu te perdi e cu lassi stare Cu bai a Nord cu bbiti ce se po' fare Ma poi senti a 'ngiru ca si cane meridionale Allora capisci ca prima o poi hai turnare Ca quista è terra noscia e nu ne l'hannu ruinare Ne mafia ne stato criminale Sta musica ruce...cultura amore e radicazione