Ni Main Jana Jogi De Naal

Lyrics

[Verse 1] مکّے گئے گَل مُکدی ناہی پاویں سو سو جمعے پڑھ آئیے گنگا گیاں گل مُکدی ناہی پاویں سو سو گوتے کھائیے گیا گیاں گل مُکدی ناہی پاویں سو سو پنڈ پڑھ آئیے بلّھے شاہ، گل تائیوں مُکدی جدوں میں نوں دلّوں گنوائیے نہ میں پُوجا پاٹ جو کیتی تے نہ میں گنگا نہایا نہ میں پنج نمازاں پڑھیاں تے نہ میں تسبیح کھڑکایا نہ میں تیہو روزے رکھے نہ میں چِلّا گھمایا بلّھے شاہ نوں مُرشد ملیا اوہنے ایویں چاہ بخشایا پڑھ پڑھ عالم فاضل ہویا کدی اپنے آپ نوں پڑھیا ای نئیں جا جا وڑدا مندر مسیتاں کدی من اپنے اندر تُوں وڑیا ای نئیں ایویں روز شیطان نال لڑدا کدی نفس اپنے نل لڑیا ای نئیں بلّھے شاہ، آسمانی اُڈدیاں پھڑدا جیہڑا گھر بیٹھا اوہنوں پھڑیا ای نئیں بے بولن دی تینوں سمجھ ہے نا جیہڑا نِت تیرے وِچ بولدا ای بلّہا آپ پھرے تولے بہار اُس نوں وانگر مُرغیاں دے کوڑا پھول دا ای پلّہ بُجھان کون ہے وِچ تیرے شاید اوہ ہووے تینوں تولدا ای بلّھے شاہ، جُدا نئیں ربّ تیتھوں آپے آواز مارے، آپے بولدا ای سِر تے ٹوپی تے نیت کھوٹی لینا کی ٹوپی سِر دھر کے؟ تسبیح پھری پر دل نہ پھریا لینا کی تسبیح ہتھ پھڑ کے؟ چِلّے کیتے پر ربّ نہ ملیا لینا کی چِلّیاں وِچ وڑ کے؟ بلّیا، جھاگ بِنا دُدھ نئیں جمدا پاویں لال ہووے کڑ کڑ کے راتیں جاگے تے شیخ صداویں پر رات نوں جاگن کُتّے، تیتھیں اُتّے راتیں بھونکوں بس نہ کردے فیر جا لڑّا وِچ سُتّے، تیتھیں اُتّے یار دا بوہا مول نہ چھڈ دے پاویں مارو سو سو جُتّے، تیتھیں اُتّے بلّھے شاہ، اُٹھ یار منا لے نئیں تے بازی لے گئے کُتّے، تیتھیں اُتّے [Verse 2] رانجھا چاک نہ آکھو کُڑیوں نی اینُوں چاک کہندی شرماواں میں جئیاں لکھ ہیراں اس نُوں تاں میں کس گنتی وِچ آواں؟ تخت حضارے دا اے مالک تے میں ہیر سیال صداواں بلّھے شاہ، ربّ کُوک سُنے تاں میں چاک دی چاک ہو جاواں [Verse 3] رانجھا جوگییارا بن آیا ایہنے انوکھا بھیس وٹایا آدوں احمد نام دھرایا نی میں جانا جوگی دے نال، ہو کوئی کسے دے نال، کوئی کسے دے نال پر میں جوگی دے نال نال جوگی میرے نال نال میں جوگی دے نال نال جدوں دی میں جوگی دی ہوئی میں وِچ میں نہ رہ گئی کوئی [Verse 4] رانجھا رانجھا کردی نی میں آپے رانجھا ہوئی صدیو نی مینوں دیدھو رانجھا، ہیر نہ آکھو کوئی میں نئیں او آپ ہے اپنی، آپ کرے دل جوئی جس دے نال میں نئون لگایا اودے ورگی ہوئی سائیوں جوگی میرے نال نال میں جوگی دے نال نال نی میں جانا جوگی دے نال کنّی مُندراں پا کے نی میں جانا جوگی دے نال کنّی مُندراں پا کے متھے تلّک لگا کے نی میں جانا جوگی دے نال [Verse 5] نی اے جوگی نئیں، کوئی میریاں اکھّاں نال دیکھو نی اے تے عرش والا زمین تے آیا نی اے جوگی نئیں، کوئی روپ اے ربّ دا بھیس جوگی دا اس نوں پھبدا اس جوگی میرا جیونا کسّیا اے جوگی میرے من وِچ وسّیا سچ آکھاں میں قسم قرآن اے جوگی میرا دین ایمان اے اس جوگی مینوں کیتا روگی نی میں اس جوگی ہُن ہور نہ جوگی نی میں جانا جوگی دے نال کنّی مُندراں پا کے تر گئی وے میں تر گئی لوکو اکھ جوگی نال لڑھ گئی لوکو مینوں جوگن جوگی دی آکھو ہیر سلیٹی مر گئی لوکو ہُن میں جانا جوگی دے نال کنّی مُندراں پا کے نی میں جانا جوگی دے نال [Verse 6] کھیڑے کردے گُوڑیاں گلّاں جوگی دے مہنڑے میں سِر تے جھلّاں ہور کسے نوں کُجھ نہ جانا جانا تے جوگی نوں جانا اس دا پایا، کسے نہ پایا اس دا ہے دو جگ اُتّے سایہ اس دِیاں دُھمّاں دو جگ دُھمّیاں اس دی جُتّیاں عرش نے چُمّیاں اے جوگی جوگی متوالا ہتھ وِچ اللہ دی مالا نی نام ہے اس دا کمّلی والا نی میں جانا جوگی دے نال کنّی مُندراں پا کے [Verse 7] جے جوگی گھر آوے میرے صدقے جاواں گھر آ جا میرے اکھیاں اُڈیک دِیاں دل واجاں ماردا آجا تینوں اکھیاں اُڈیک دِیاں جدوں دا تُو رُسّ گیاں ساڈے نال ڈھولنا بُھل گیا کاواں نوں ونیرے اُتے بولنا آجا تینوں اکھیاں اُڈیک دِیاں بُھل گئیاں خوشیاں تے رُس گئے چاہ وے اَج پتہ لگا ای وچھوڑا کی بلا اے آ جا تینوں اکھیاں اُڈیک دیاں سجن وے تیرے باجوں لگدا نہ جی وے جتھے جا کے بیٹھ گئے اوتھے تیرا کی اے؟ آ جا تینوں اکھیاں اُڈیک دِیاں [Verse 8] کئی کئی وار چڑھی کوٹھے تے تے میں اُتری کئی کئی واری نہ دل چین، نہ صبر اکّھی نُوں نہ بُھلدی صورت پیاری عشق ستائی، دیواں دُہائی تے میں کردی کرِیاضی آ جا سجنا، نہ جا سجنا تُو جِتیا، تے میں ہاری تے آکھاں ہُن آ جا تینوں اکّھیاں اُڈیک دِیاں چھیتی آ جا ڈھولنا تینوں اکھّیاں اُڈیک دِیاں پنچھی مُڑکرا نُوں آگے تُوں وی آجا ڈھولنا تینوں اکھّیاں اُڈیک دِیاں لوئے لوئے آ جا ماہی ہُن جے نہ آیا فیر کِہڑے ویلے آویں گا؟ ساہ ٹُٹیا نُمانیاں اکھّیاں دا سجنا تیرا راہ تکدے تکدے لوئے لوئے آ جا ماہی میرے بے پروا، ہُن آ وی جا تھک گئی اے نگاہ تکدے تکدے لوئے لوئے آ جا ماہیا تیرے باجوں دِل دیاں مہرماہ وے ساڈا جیونا کِہڑے چَجّ دا ای میرے لُون لُون وِچ میری نَس نَس وِچ تیری یاد دا تُمبا وجدا ای لوئے لوئے آ جا ماہی تیری دید دا چاہ بس وقتِ نظام نکلے میرا ساہ تکدے تکدے لوئے لوئے آ جا ماہی ایہو کرم کماؤن دا ویلا جِیوندیاں جِیوندیاں دید کرا جا نئیں مُکھ چھپاؤن دا ویلا اُڑ جاوے [?] جان دا پنچھی اوہ آساڈے جان دا ویلا [?] تیرے آؤن دا ویلا تے آکھاں ہُن آ جا تینوں اکھّیاں اُڈیک دِیاں [Verse 9] دل واجاں ماردا آ جا جان والیا واستہ ای پیار دا جے جوگی گھر آوے میرے مُکّ جان سب جھگڑے چھیڑے نی میں لاواں سینے نال لکھّاں شگن منا کے میں لاواں سینے نال بلّھے شاہ، اِک جوگی آیا در ساڈے ایہنے دُھمّاں پایا ایہنے لُٹ لئی ہیر سیال آیا بھیس وٹا کے جوگی لُٹ لئی ہیر سوہنی سوہنی شکل دکھا کے میم دا گھونگھٹ مُکھ تے پا کے جوگی لُٹ لئی ہیر مٹھی مٹھی ونجھلی دی کُوک سُنا کے جوگی لُٹ لئی ہیر