西西弗斯之歌 (The Hymn of Sisyphus)

Lyrics

[​my little airport「西西弗斯之歌」歌詞] [主歌一] 呢年嚟我有幾份兼職 其中嘅一份 係幫啲馬迷落注 喺電話投注中心 喺裡面我識唔到朋友 返工食飯 都係一個人 我已經悶到抽筋 但要維生 我諗到一個方法抗衡 [主歌二] 開閘前半分鐘 總有好急嘅客人 落注嘅時侯夾雜粗口 聽到我一嚿雲 但佢哋愈係䒐 我就愈係斯文 我話「麻煩你重複一次」 搞到夠鐘開閘 佢哋就問候我屋企人 [主歌三] 佢鬧我正一懵撚 話要叫個經理出嚟問 我都好有禮貌噉回應 「先生 麻煩你等等」 我既緊張又興奮 同時又扮晒殷勤 喺呢個心情咁複雜嘅搏鬥裡面 我開始搵到工作嘅快感 [讀白] 希臘神話有一個故事,講述西西弗斯受到諸神嘅懲罰,要喺地獄不斷推一塊巨石上山;上到山頂,巨石又會自動碌返落山腳,佢每日都要重複呢種徒勞無功嘅工作,直到永恆。 後人有一個講法,話諸神並唔係用「推石頭」嚟懲罰西西弗斯,而係用觀念,用「我永世都要推石頭實在太慘」嘅呢個觀念。 西西弗斯知道自己改變唔到命運,佢唯一可以做嘅,就係繼續推石頭。 直到有一日,佢發現佢可以蔑視自己嘅命運,甚至用享受呢個過程嚟去否定諸神對佢嘅懲罰,於是,佢感覺到自己係快樂嘅。