彌敦道的一晚 good trip (Good Trip on Nathan Road)

Lyrics

​[my little airport「彌敦道的一晚 good trip」歌詞] [副歌] 每到晚上六七點 我先會開始 weed 再走上一架巴士 坐上層的最前 坐到去油麻地 其中一個巴士站 有架1號A停咗喺前面 嗰架巴士上層最後一行 坐咗對幾靚嘅男女 不停噉錫嚟錫去 喺我面前 [主歌一] 兩個眯埋眼 由咀錫到落條頸 停咗幾秒 又不停噉錫 佢哋前面冇其他人 我架巴士前排 又得我一個人 睇到有啲唔好意思 所以有啲特別開心 兩架巴士 一路向前 有時佢哋行快啲 會唔見一陣 但去到燈位 又貼返喺正前面 好似我架巴士 同佢哋架巴士 喺彌敦道上面 錫下停下的纏綿 [副歌] 每到晚上六七點 我先會開始 weed 再走上一架巴士 坐上層的最前 喺土瓜灣出發 搭6號C去朗豪坊睇戲 呢段路 我已經行到好熟 燒賣 雪糕 迎面嘅人 恐怖片 Smoke 咗之後 我吸晒所有的臉 [主歌二] 搭搭下 我突然間記返起 喺我幾歲嘅時候 香港曾經有過一兩單交通意外 坐巴士上層最前嘅乘客被撞死 自始之後 呢個位就畀啲大人講到好危險 三十年嚟 我好似失去咗理性 每次上到上層都會自動坐後面 直到 smoke 咗之後 先揀最好嘅風景 放在面前