返屋企 (Go Back Home)

Lyrics

[GDJYB 雞蛋蒸肉餅「返屋企」歌詞] [主歌一] 個個蒲 返屋企嘅故事 香港地算唔算係我哋屋企 試下設身處地去諗下我哋 點解個個都覺得自己衰到貼地 九七過後班鬼佬就擸晒包袱飛返屋企 擗低你哋班孤臣兒子響樹食自己 Uh 去到第二度又乞鬼憎 班太空人咪又係死死地氣躝返嚟 風暴過後 啲人就更加淨係識得照顧自己 冇晒方向感 啲心態重更加投機 啲貴樓就繼續起 丟空冇人住都繼續起 唔畀你搬上去唔通關佢拖住你 連班金飯碗都呻 冇晒士氣 做咁多門面嘢 都係嘥氣 家陣嘅香港 同以前又處樹有得比吖 又邊處有得比喎 [副歌] 無論你去到幾遠 記得要返屋企 邊度至係我哋嘅成長地 無論你去到幾遠 記得要返屋企 唔好忘記 唔好忘記 無論你去到幾遠 記得要返屋企 呢度至係你哋嘅成長地 無論你去到幾遠 至緊要識得返嚟 咪勞氣 咪洩氣 [主歌二] 又有冇諗返起以前細個 一家人一張摺枱一齊食飯 電視送飯 睇歡樂今宵 但係家陣就各有各食 咋咋臨扒完就匿埋入房玩 ICQ 以前嘅家個個都係獅子山下 睇下而家個個就要乜乜豪庭 你問下你個細佬邊個係衛奕信 佢唔知 淨係識得有個陳奕迅 以前歌仔都有得唱 我哋大家喺獅子山下頂硬上 而家香港唔似樣 香港冇根 香港人冇歸屬感 你班高官點唱都係廢話 有錢嗰班講嘢都係咁假 市民嘅生活就越嚟越差 至怕個個攬住一齊等死 咪怪我越描越黑冇面俾 [副歌] 無論你去到幾遠 記得要返屋企 邊度至係我哋嘅成長地 無論你去到幾遠 記得要返屋企 唔好忘記 唔好忘記 無論你去到幾遠 記得要返屋企 呢度至係你哋嘅成長地 無論你去到幾遠 至緊要識得返嚟 咪勞氣 咪洩氣 [結局] 有太多的說話 如何去表達 各有各的選擇 是無奈嘅瀟灑 誰不想可以留在家 誰人問可對話 有多少嘅念掛 (Na-na, na-na-na) (Na-na-na, na-na-na) (Na-na-na, na-na-na) (Na-na) (Na-na, na-na-na) (Na-na-na, na-na-na) (Na-na-na, na-na-na) (Na-na)