Resistance | مقاومة (Explicit)
View ArtistLyrics
[المقطع الوحيد] استغفر الله نكتَف جنوني كي ياكلني قلبي و ما ندير والو نشوف فالموند يكولي و البنادم ماداري بحالو ارواح تروحي مع ارواح تروح كيما كانو ماغادي يفيدهم قولي كيما ڨاع ما يفيد القانون ماني جابر روحي هامل بين الإبادة و الحياة نضحك نبكي ولا نغبر و نهدن روحي بالسكات الڨلب يضرب كيما القنابل و الساعة تك تك الرصاص و الموتى فالرب تقابل كل ما يتهدم لساس مانيش راضي و مانيش عرف حتى كيش نعبَر و ما تايق حتى فلي نقوله واش الفايدة كي نهدر مازايد فيها سنتيم ما منقَص منها حتى كم غي نغسل وسخ الفن فحفنة تراب و ڨلتة دم ڨولي، ڨولي آ شيخ أنا ماني نبكي غزَة راني غي ندابز فروحي ندوَر وين مشات العزَة نتطبَل فوق هاد القواطة لي عادا تأمَن بالوطن لَي مشتتنا بالباطل و يشري طرافنا فبَاطة راني فالعز مردوم و لي تردمو دوك العزاز Thèse عليها غرقت فالهموم و ما سلكتني حتى نآمن و عندي منظور ماشي مباب الإنسانية نيك الأبيض الإمبريالي الشيوعي و الرأس مالية بيا الخوت ترفد مالغلطة و تتعلم ملي فات قبل ما يڨدَم بينا الوقت و نشوفو القلوب طفات غزَة ما تروح بالسَاهل و القدس ما يجيبوه سيادك و القضية ما تنذل مادام كاين رجال تقاوم هادوك هوما صحاب الأرض، لَي باقي تحت الأرض لَي يموتو فوڨ الأرض، لَي ما سمحو فالأرض الا بغا المجرم يڨتَل و لي زعما خوك مكتَف و لي فيدَه الخداما في بلاصت ما يدمرك يغدر و يطعن فظهر المقاومة، الله أكبر غدوة تفصل بين الحق و بين لي باع المنبر من باب الضعف حلو بيبان البلية حتى مرضت النفس مرياح فتنة الدنيا آي غي سمحلي ماغادي نزيد و غي سمحولي الا كثرت الهدرة و ماجبت حتى جديد ما لقيت نتبكَش كيش و ما لقيت كيش نهدر بعيد و عارف الكتبة فليل ماغادي تبكَر العيد
Rate this song
0/5.0 - 0 Ratings
Loading comments...
Credits
- Writers
- Monst-R