Lyrics

Kabr bin scamers ma kay3rfoch l'vpn Ma kayti9och, Kay3awdo l7sab 7ta mor l'ATM Lhawta msacania bl'IRM L compte kaysfr w jyab bhal la dayrin BBL Li maltlo lkeffa, l7z9a w tssawih Nesshom ma 9arich w f loght serf kamlin Sibawayh 3la tol l3am pile, bhala derb ma dawich B l7e9 f ramdan ta 7ed ma kayzgl tarawi7 Gawri wla mslem Li nwa yrdhom 9ntra kaydiroh mssreb 3la 7e9hom, yfouto m3ak l'aousred Ma kay2amnoch ,Bli fda d9to f 3am zreb Bla ma yswlo la kifach la 3lach la kitra Li dar l3ib lyom, ghda kaywli 3ibra Kaykhrjo b salassa ki Sbib mn libra Dmaghhom mdrasa, fiha chitan ba9i kay9ra M3a satat 7nab w wakha ybano misogyne 7afdin dosage d lgjam, ga3 mayzido fih W dima msb9in l'mim 9dam l sin w l jim Khdamin b Nokia pile w 4s turbo sim Zn9a ghada b 9anoun L7sab sabon Ma 3ndhach f l9amous, hania ça joue Li t7imr katlbso brd3a w sabot Chhal wahd , sbabo f 3dabo, s7abo Sagoh Mzioudin b indar, kolchi mhded b terd Dnia nhar d7kat nadr ba3tlhom l9rd Khlathom ydiro la navette Bin sma w l'ard Kayseb9o dwa 3ad kaychrchiw l'mrd Suspens ki dima , w kola nhar 9issa f chkel Li bl'10 tkssel , w li 3la ch3ra tzgel Les fait d'hiver habtin mn sma 3la lmdina khit Ghwatha ma kaytsm3ch, wa9ila 7it mdwrin biha 7it Majaych ntswr 3lik, Pablo f medeline Jay nwrik lwa9i3 mn jouj jwayh ki BeReal Zman tor jahl li jiti t7t rjlo gha yrfsk Dnia marathon, khas tkoun msoufle bach 3ich b nefsek Dima nfs so2al, Imta Chmchna tchre9 Kon kan b ydina n7aydo lghiyam w nsbgho sma b zre9 7na kima hak, kandiro lkhir kan9smo chde9 7it ma kaynch lw9t fin ndiro test l chkon gha ysd9