入型入格 (Be Yourself)

Lyrics

[謝安琪「入型入格」歌詞] [副歌] 十二金釵與貝多芬 魚翅和魚蛋粉 各有擁躉愛惡始終由人 哪個高級哪個草根 誰有權來區分 故意去作狀扮型太拘謹 只懂跟風不思索笨得很 [主歌一] 喂 我想約你睇齣戲 套戲喺波蘭電影節攞咗個大獎返嚟 戲名叫做《De la Café》導演係 Jean-Luc Gaultia 佢贏晒王家衛 馮小剛 同埋佐治古尼 聽啲影評話 故事發生喺十七世紀 講當時啲農民 點樣走去大城市開 café 充滿解構主義 同埋後現代嘅風味 咁有型嘅戲 唔睇真係嘥晒啊你 唔 我唔知喎 好似好悶噉囉 不過喂 阿 Winnie 借咗幾隻碟畀我喎 有《獨家試菜》《十蚊菜》同埋《我的鐵蓋》 我想今晚一口氣煲曬佢 唔瞓覺囉 聽緊啊個男主角真係好靚仔㗎 仲有嗰啲歌啊 真係好好聽㗎囉 不如唔好講咁多 你買啲外賣上嚟 我哋今晚一路食一路睇 真係好 romantic 囉 [副歌] 十二金釵與貝多芬 魚翅和魚蛋粉 各有擁躉愛惡始終由人 哪個高級哪個草根 誰有權來區分 故意去作狀扮型太拘謹 只懂跟風不思索笨得很 [主歌二] 你想食咩啊 我諗住買燒味 呢間舖最出名嘅 就係叉油雞髀 佢啲叉燒用炭爐燒 瘦中又帶啲肥 油雞髀浸皮 脂肪少夠晒低卡路里 㖿 人哋話 Four Season 好好食㗎囉 嗰度啲 caesar salad 食得人哋好鬼瘦㗎 仲有啲 tiramitsu 甜得嚟又唔會太甜 咖啡得嚟又唔會太咖啡 唔 總之好食啦 你快啲買上嚟畀我啊 [副歌] 十二金釵與貝多芬 魚翅和魚蛋粉 (Mmm) 各有擁躉愛惡始終由人 (Hey-yeah-oh) 哪個高級哪個草根 誰有權來區分 (Ha) 故意去作狀扮型太拘謹 (Mm, mm, mmm) 只懂跟風不思索笨得很 [主歌三] 點解個男主角 硬係死唔斷氣 由頭到尾 講嚟講去都係嗰三幅被 究竟佢知唔知道 咩叫做「方法演技」 淨係識得行行企企 完全都交唔到戲 哎呀 你咪咁煩啦 佢夠靚仔咪得囉 佢瞇埋雙眼嗰陣呀 真係好殺死人㗎 佢好紅㗎 有好大班 fans 嫁 呢期佢人氣咁勁 我就話佢喪好睇囉 [副歌] 十二金釵與貝多芬 魚翅和魚蛋粉 (Ha) 各有擁蠆愛惡始終由人 (Yeah-yeah, ha-ah) 哪個高級哪個草根 誰有權來區分 (Ooh) 各有各價值不會太統一 (Yeah-ya, ya) [副歌] 大力水手百變星君 瑤柱和銀針粉 (Hoo-hoo) 各有擁躉愛惡始終由人 (No-no-no-no-no, no, no-no-no) 哪個高級哪個草根 誰有權來區分 (Oh-oh, oh-oh, oh) 故意去作狀扮型太拘謹 (Oh-hoah, woah-hoah) 只懂跟風不思索笨得很 (Mm, hmm) 有性格忠於己見最打緊