Mazzika Hadia - مزيكا هادية

Lyrics

[المقطع الأول] مزيكا هادية وقاعدة على ترابيزة فاضية بكرسي واحد بس ليا وقهوتي المظبوطة دي حاجات بسيطة وببقى وأنا بعملها راضية وأحب أعيش اللحظة ديا وببقى مبسوطة [اللازمة] إيه فايدة الترابيزة يعني بكرسي تاني واللي يكون قاعد عليه واحد أناني آديه مكان وفجأة أنا ما لقاش مكاني يعيش عشاني يومين ويطلع مش عشاني أحتاج لحضن ليه وهي القهوة أدفى أحتاج لقلب ليه وقلبي ليا أوفى لو في يوم ضايقت نفسي بقولي آسفة أماني ده في وحدتي مش ببقى خايفة [فاصل] مزيكا [المقطع الثاني] مش مستعدة أرجع وأعيد تاني اللي عدى ما بقتش حمل جرح تاني أو أنام دموعي ع المخدة أسلوب حياتي أهم أسباب إنبساطي مين اللي قال الوحدة صعبة بالعكس أنا في أحسن حالاتي [اللازمة] إيه فايدة الترابيزة يعني بكرسي تاني واللي يكون قاعد عليه واحد أناني آديه مكان وفجأة أنا ما لقاش مكاني يعيش عشاني يومين ويطلع مش عشاني أحتاج لحضن ليه وهي القهوة أدفى أحتاج لقلب ليه وقلبي ليا أوفى لو في يوم ضايقت نفسي بقولي آسفة أماني ده في وحدتي مش ببقى خايفة [الخاتمة] Coffee please مزيكا Ciao