Kwantu Mas

Lyrics

[Verse 1: Fresku] Nos a kanta "Danki danki danki Willem III" Willem III u'n kompronde bo kantika, ni tende mes Despues di tur nos sufrimentu, danki nos a kanta Ki dia "nos libertat" lo bira mas ku dos palabra? Dikon nos no a gradisí pa Tula of Karpata? Am'a kere kos a kambia, no bisa mi kompolaga Kos lo kambia dia nos lo kambia Si nos no lanta traha pa nos baranka, nos no ta logra nada I si nos no siña ki nos tera su balor ta Nan ta kumpra nos barata pa nan sera tur nos portanan Nos mayornan tur a siña nos pa komporta Toch demasiado ta kai sera, ta kon por ta? Nos mente su kondishon tin ku reprograma Ku kultura den nos edukashon nos por progresa Tin un tesoro 'bou di nos derá Ban kob'é paso ta loke nos ta sembra nos ta kosechá [Hook: Michael Reymound & Fresku] Ta kuantu mas nos tin ku soportá? Nos futuro ta den nos man Loke nos sembra nos ta kosechá Nos futuro ta den nos man A yega ora pa nos koperá Nos futuro ta den nos man Tende ban, sera man, lucha pa nos hende nan Si nos no tin lucha, no tin motibu pa selebrá [Bridge: Fresku] Yu di Kòrsou no pensa robes Pasobra libertat ta kuminsa den nos kabes Anto nos tur por bira ken ku nos ke Nos tin ku siña nos balor pa nos no bende nos mes Yu di Kòrsou no pensa robes Pasobra libertat ta kuminsa den nos kabes Anto nos tur por bira ken ku nos ke Nos tin ku siña nos balor pa nos no bende nos mes [Hook: Michael Reymound & Fresku] Ta kuantu mas nos tin ku soporta? Nos futuro ta den nos man Loke nos sembra nos ta kosechá Nos futuro ta den nos man A yega ora pa nos koperá Nos futuro ta den nos man Tende ban, sera man, lucha pa nos hende nan Si nos no tin lucha, no tin motibu pa selebrá [Verse 2: Fresku] Otro mama ta yora pa yu ku bala a bora Paso ta mama l'a koba I tur su bròder nan a plama mesora Gritando "ban machu, ban" despues ta bang mes a zona (Bang!) Nos no por sigui asina Nos tin un isla pa guia Mester d'un lider pa bringa Kon nos por sinti nos na liber, kaminda ta tiki tiki tur nos playa nan ta bira pisina I sin disiplina bo'n por para riba dos pia Enbes di keda stèns rib'e esnan ku ta ninga nos libertat Si Tula lo biba, ta ki e lo bisa? Si Tula lo mira, ta kon nos ta biba Si Tula lo biba, ta kon lo bo pensa? Lo bo bringa pa bo independiensa? Anto m'a fad'i mira mucha kria mucha Kuantu mas nos tin ku soporta? Lucha tin ku lucha [Hook: Michael Reymound & Fresku] Ta kuantu mas nos tin ku soporta? Nos futuro ta den nos man Loke nos sembra nos ta kosechá Nos futuro ta den nos man A yega ora pa nos koperá Nos futuro ta den nos man Tende ban, sera man, lucha pa nos hende nan Si nos no tin lucha, no tin motibu pa selebrá