Lyrics

[اللازمة] وإستنينا الصعب يمُر، مَر العُمر (مَر العُمر) والجلد مات في كف إيدينا والعرق بيشُر (آه) ملعنة وبتمُر، خلت العناء للحُر (ياه) رابطانا وبتشد إيديها ع الطارة وبتجُر، إيه ملاعبانا ع الدوم (إيه)، زانقانا وبتضُم (إيه) سالبانا وبتقطع فينا في العلن بالبُق (بُق) مساميرها اللي صدت دقيتهالنا تحت الضُفر (ياه) واللي معاه بيزق في اللي ما معهوش، ياه [المقطع الأول] روحنا متكتفة (إيه)، همومنا متستفة (إيه) راسنا متشتتة وما فيش عيشة أسوأ من كده عاملانا سكك جوة عتالة في ورش عشان توصل لأي حاجة لازم تدمدمك واللي عِشته وسط سنين تاخده إنتَ في تلت دقايق بالنسبة لك دي أغنية، بالنسبة لي دي حقايق عِشت فيها وبنقلها لك (آه) عشان ما تعانيش تلت دقايق غَم يرحموك من بُكا سنين بطل تحن لهم، بطل تحب لهم الخير ما دام هما كرهم، صاحبي بطل تفتكرهم طول ما هما سهل ينسوا هما سهل يمشوا واللي قبلك لما إتشعبط فيهم إتقلب على وشه، ياه ياما عانينا وشيلنا جوة عينينا تعِبنا، شقينا وإتعضت إيدينا زرعنا العِشرة وسقينا وراعينا والشوك هو اللي إتبقى من ورد الجنينة في البرد وبقينا، جينا في الجرد إتنسينا عيني ع اللي كانوا عيلة، صاحبي عيلتك جوة بيتك سيبك من اللمة الكدابة وصحصحلها وشوف بعينك ما تضيّعش عُمرك متسخر لغيرك [اللازمة] وإستنينا الصعب يمُر، مَر العُمر والجلد مات في كف إيدينا والعرق بيشُر ملعنة وبتمُر، خلت العناء للحُر رابطانا وبتشد إيديها ع الطارة وبتجُر، إيه ملاعبانا ع الدوم، زانقانا وبتضُم سالبانا وبتقطع فينا في العلن بالبُق مساميرها اللي صدت دقيتهالنا تحت الضُفر واللي معاه بيزق في اللي ما معهوش، ياه [المقطع الثاني] صاحبي إحنا في قعر الخلاط والزمن خراط جالنا طرش من دق الطبول ع الراس سحر ما يبطلوش عراف وجع ما لوش أعراض تشوفنا تقول أغراب نضحك ونداري الخراب وأنا جوة مني كراكيب، ياه، ياه حرب دايرة وبراكين، ياه، ياه جلدة، جلدة، كرابيج، ياه، ياه سايل دمي، براميل، ياه، ياه اللي عدّى أنا راميه، ياه، ياه من اللي عدّى أنا بريء، ياه، ياه من الميعاد ده أنا قتيل، ياه، ياه اللي جاي ومش هسيب حلايب يابا وشلاتين وفي كل حتة قناصين باصين في العيشة، منشنين عينهم علينا مخليين إحنا مش سالمين من الناس إحنا مش سالمين من الناس [اللازمة] وإستنينا الصعب يمُر، مَر العُمر الجلد مات في كف إيدينا والعرق بيشُر ملعنة وبتمُر، خلت العناء للحُر رابطانا وبتشد إيديها ع الطارة وبتجُر، إيه ملاعبانا ع الدوم، زانقانا وبتضم سالبانا وبتقطع فينا في العلن بالبُق مساميرها اللي صدت دقيتهالنا تحت الضُفر واللي معاه بيزق في اللي ما معهوش، ياه