L. Hirschinger

Lyrics

[Songtext zu "L. Hirschinger"] [1. Strophe] Jeden Tag in der Fruah, waun i aufsteh Und auße auf mei Heisl geh Dann geht bei der Hirschinger, de wos mei Nachbarin is Des Gangfenster auf Und i siech des schiache Gfries von dera oiden Rauchfangtaubn Und i waß genau, wos se vo mir wü Es is jeden Tag des gleiche Gspü "Herr Holzinger", sagt's, "miaßn Se de Tia so zuahaun?" Najo, und wann i wieder außakumm, da kummt wie jeden Tag Immer wieder die gleiche Frag: "Ham S' anständig owelassen?" [2. Strophe] Seit fünfadreißg Jahr, mir kummt vua, seit immer schon Teil i mit der Hirschinger dessöbe Klo Oba heit in der Fruah Wiari aufsteh und auße auf mei Heisl geh Da bleibt des Gangfenster zua Und kane fragt mi: "Ham S' anständig owelassen?" De Hirschinger, mir scheint, hat ausgsuagt Dabei hab i ma immer von ihr des Heislpapier ausbuagt [3. Strophe] Vo der Hirschinger kaun niemand mehr was haben De Hirschinger ham's heit begraben Am Friedhof draußt is jetzt daham Geh! Geh! Nebm dem oiden Kastanienbaum De Hirschinger hat immer des Stiagnglander putzt De Hirschinger hat mit mir dessöbe Klo benutzt [4. Strophe] I hab mit der Hirschinger im söben Haus gelebt De Hirschinger hat als anzige mit mir g'redt Ob i's vielleicht besuchen geh sollt, da draußt am Friedhof? Ah wos!