In der Tierhandlung, 2. Folge

Lyrics

[Text zu "In der Tierhandlung, 2. Folge"] KUNDE Wos, wos ham S' für, für Vögel? TIERHÄNDLER An sehr günstigen Marabu hamma grad frisch reinkriegt. KUNDE An wos? Ein Marabu? Wo is'n der, der, der Marabu? TIERHÄNDLER Hint, im Lager. KUNDE Wieso? Wie groß wird denn so a, so a, so a Marabu? TIERHÄNDLER Einen Meter dreißig. KUNDE Tshehe, einen Meter dreißig, geh bitte, des ist doch, der ist doch vü zu groß, der miaßt doch knian in mein Käfig, hearn S'. Ham S' nix anders, wos a bissl, a bissl wos redn kaun vielleicht? TIERHÄNDLER Do hätt ma an Ara da. KUNDE An was? TIERHÄNDLER An Ara. KUNDE Ahso, an Ara, jo jo. Vierzehn senkrecht, jo. Kaun der redn? TIERHÄNDLER Ja, wie ein Buch. KUNDE Jo? Sagn S' ihm, еr soi wos sagn, so a - der Ara da, a paar Worte... TIERHÄNDLER Mit- KUNDE ...viellеicht? TIERHÄNDLER Mit jedm redt er net. KUNDE 'S is owa a 'ara'ganter Ara, hearn S'! Höhö! Sagn S' eam, er soi si a bissl bewegn, wos sagn, a bissl. TIERHÄNDLER Also bitte: Sprich mit dem Herrn. ARA Ich heiße Laura und bin ein schöner Graupapagei! KUNDE Wie bitte? Wie bitte? Ma versteht ja ka Wurt, des is ja ka Redn, des is ja, des is ja a reines, a reines Gekrächze. TIERHÄNDLER Na, vom Burgtheater is er net. KUNDE Geh, hearn S' auf mit Ihnere- ARA Ich heiße Laura und bin ein schöner Graupapagei! KUNDE Do schau, jo! Laura! Na! Reizend! Wah! Auweh! Jetzt hat er mi peckt. I bin blutübrströmt. Mit seim Schnabel. B-b-b-b- wos is, waun i jetzt die Papageienkrankheit kriag? TIERHÄNDLER Gehn S', hearn S' ma auf, unsere Tiere san doch alle g'impft! KUNDE Jo? Woarn S' dabei, wie's g'impft wurn san? Woarn S' dabei? TIERHÄNDLER Wegen Ihna stöll i den Daktari an. KUNDE Gehn S', hearn S' auf, des is doch wirkli, es ist doch, a-a-a-a- lebensgefährlich, a Schand is des für a, für a Stadtgschäft, hören Sie! Des is doch wirkli, ma kennt jo direkt glaubm, dass ma - jöööööö, die Wönsittich! Des san ja do de Liabsten! TIERHÄNDLER Na oiso. Soll ich Ihnen einen aussuchen? KUNDE Jo. Kennen die reden? TIERHÄNDLER Ja. KUNDE Ja? TIERHÄNDLER Aber denen müssen S' es vorher beibringen. KUNDE Jo? Wos, wos muss i do machn, dass so a Wönsittich a paar Worte...? TIERHÄNDLER Da müssen S' as ihm vorsagn, was er sagn soll. Sagn S' "Hansi, Burli, Hansi- KUNDE Hansi net. Burli, Burli! TIERHÄNDLER -Hansi, Hansi, immer wieder Hansi- KUNDE I sogert nur Burli. TIERHÄNDLER -sagn S' Karl zu ihm, bitteschön, ja. KUNDE Burli! A Wönsittich muass heite Burli heißn. Des is ganz kloa. Da! Da schau! Der do, der hat die ganze Zeit hergschaut, wie ich Burli gsagt hab, mi'm Schnaberl, mi'm Kopferl, mit die Augen hat er rübergschaut, der, der blaugrüne do! TIERHÄNDLER Is es der da? KUNDE Nein, nein, des is der einzeln- sechstes Sprießerl von rechts. Der vierte, jetzt is er wieder der fünfte, der fünfte von links! TIERHÄNDLER Also, warten S'. Ich hol ihn Ihnen raus, ja? KUNDE Ja? Jetzt is er raufghupft, jetzt is er - am, am zehnten Sprießerl is er jetzt! TIERHÄNDLER Is es der da, der gelbe? KUNDE Nein, nein, blaugrün. Der Burli is do blaugrün, net? Is ja Blödsinn. TIERHÄNDLER Also, warten S', i geh in den Käfig rein. KUNDE Ja. Warten S', i mach Ihnan die Tür ein bissl auf. TIERHÄNDLER Nein - zu müssen S' es doch machen, sonst komman ma ja da die- KUNDE Jo, des, des - de ganzn Wönsittich kumman eam aus. TIERHÄNDLER Um Gottes Wün! Meine Wönsittiche! KUNDE Burli! Des Herrli is da! TIERHÄNDLER Meine schönen Wönsittiche! KUNDE Des Herrli is da! TIERHÄNDLER Jetzt stehen S' doch da net herum im Weg, i muss doch da die - is es der da? KUNDE Nein, der blaugrüne is es, der Burli! Der sitzt da vurn auf der Registrierkassa! TIERHÄNDLER Um Gottes Wün! KUNDE Jo, geht's doch dort runter! TIERHÄNDLER Meine Vögel! KUNDE Geht's doch runter, des ist doch lebensgefähr- Um Gottes Willen, des ganze Aquarium foit um!