Lyrics

Roleee Solo Es is pervers, waunn ma bedenkt ois Kinder worn ma nu draußn Heit brauch ma Fernseher, Internet und Handy zum Klingelton saugn Wir wern öta, brauchen Kohle doch haum Ideale Wer verkauft sei Seele für Firmenauto und Mietgaragn Es passiert, so wird noch Osten expandiert Produktion wird optimiert, damit die Kosten reduziert Wieder gschlossn waunns nix wird, kaunn scho moi passiern Wir zappen durch Kanäle, die Wöd brennt, es is schiach Söba nimma sicha, wos ma eigentlich möcht Wird die Verauntwortung greßer, daunn die Zweifel erst recht Dem weiblichen Geschlecht föht a Gesetz und des Recht Ois genauso schlecht zu mochn wie Maunna – gleichgsetzt! Pervers, waunn ma länger ois lebenslaung in da Hockn sitzt Ois Pensionisten haumma Koihn, oba kan Biss Vergiss a Leben voller Zukunftsaungst und Depressionen Woin ma wos verändern, brauchma olle Generationen! Es is pervers – mants ihr des ernst? Mants ihr des ernst? Es is pervers – des is doch a Scherz!? Des is a Scherz!? Es is pervers und drum schreib ma den Vers Und wer 's net glaubt, dass des pervers is, den nehma net ernst Wir hackin des Doppite und verdienan die Höftn Wissen uns nimma z' höfn, oba kana gibt si die Blößn Es is immer des söbe – Liagn stingan zum Hümmi Und wos die Spotzn net vom Doch pfeifn, singan die Vögi Es is pervers waunn ma in Klimawaundl stoppn woin Obwoi ma olle mitm Auto in die Hockn roin, ma hoit Si an Herzpotschn bam Grobn noch Kotzngoid, ma hot Die Nosn voi, doch waß net wos ma sogn soi Dauernd is die Glotzn voi mit am Krisenherd, es is pervers Dass du Toge später davo nix mehr herst Grundnohrungsmittel werdn zu Markenartikeln, wir verschwenden Wosser und saufn Saftln, die uns die Pappn vapickn Antifaschisten werden Kapitalisten Hustlen im Business oder hackln in Schichten Wir san am Oasch wie a Tanga aun da Copacabana Jo ma kaunns drahn wie ma wü so wie OTTO und ANNA Es is pervers – mants ihr des ernst? Mants ihr des ernst? Es is pervers – des is doch a Scherz!? Des is a Scherz!? Es is pervers und drum schreib ma den Vers Und wer 's net glaubt, dass des pervers is, den nehma net ernst Es is pervers, wir hom an Schirm wei ma ned noss wern woin Woanders gengan d' Leit an gaunzen Tog zum Wosser hoin Es is pervers i siag überoi nur Heucheleien Zerst san uns Menschen wos wert und daunn sperr ma s' ins Oitersheim Pervers, wir manan dass ma von da Hocken obhängig san Doch wer frogt se wos de Firmenchefs ohne uns dan Es is pervers, wei da Westen und de Christen Hom a ruhiges Gwissen, richten über Fundametalisten Pervers, wei de Ormen miassn ohne Ende rackern Und de Reichen lossen d' Kohle für sich hackeln Pervers, wir san heit nu in da Opferroin – da helle Wahnsinn Jeder zweite Ösi is pervers oder a Kellernazi I denk aun Apple und Red Bull, des is doch heit modern Es is pervers, wir san scho Fan von am Konzern – zum Rean! Es is unglaublich und surreal jetzt ehrlich Es is scho traurig, wei heit olles so pervers is