Lyrics

Mundi delicatio dulcis est et grata Eius conversatio suavis et ornata Ecce merces optime conspice nitorem! Hec tibi conveniunt ad vultus decorum Mundi sunt delicie, quibus estuare Volo nec lasciviam eius devitare Hec sunt odorifere qua si comprobaris Corporis flagrantiam omnem superabis Heu, vita preterita, vita plena malis Luxus turpitudinis, fons exitialis Heu, quid agam misera, plena peccatorum Que polluta palleo sorde vitiorum! Pro mundano gaudio vitam terminabo Bonis temporalibus ego militabo Hoc ungentum si multum cupitis Unum auri talentum dabitis Nil curans de ceteris corpus procurabo Variis coloribus illud perornabo Aliter nusquam portabitis Optimum est, optimum est