MALIGAYANG PASKO MEDLEY (Pasko Na Naman, Maligayang Pasko At Masaganang Bagong Taon, Namamasko, Ang Pasko’y Sumapit, Dalangin Sa Pasko, Pasko Ng Madla, Mano Po Ninong, Pasko Na Naman)

Lyrics

[Intro] Pasko na naman Pasko na naman Kaya ako ngayo'y naririto Upang kayong lahat ay aking handugan Ng iba't ibang himig na Pamasko [Part I: Ang Pasko Ay Sumapit] [Verse 1] Ang Pasko ay sumapit Tayo ay mangagsiawit Ng magagandang himig Dahil sa ang Diyos ay pag-ibig [Verse 2] Nang si Kristo'y isilang May tatlong haring nagsidalaw At ang bawat isa Ay nagsipaghandog ng tanging alay [Chorus] Bagong taon ay magbagong-buhay Nang lumigaya ang ating bayan Tayo'y magsikap Upang makamtan natin ang kasaganahan [Verse 3] Tayo'y mangagsiawit Habang ang mundo'y tahimik Ang araw ay sumapit Ng sanggol na dulot ng langit [Verse 4] Tayo ay magmahalan Ating sundin ang gintong aral At magbuhat ngayon Kahit hindi Pasko ay magbigayan [Part II: Sa May Bahay Ang Aming Bati] [Chorus] Sa may bahay ang aking bati Merry Christmas na maluwalhati Ang pag-ibig, 'pag siyang naghari Araw-araw ay magiging Paskong lagi [Verse 5] Ang sanhi po ng pagparito Hihingi po ng aginaldo Kung sakaling ako'y perwisyo Pasensiya na kayo't ako'y namamasko [Part III: Ang Pasko Ay Sumapit Na Naman] [Verse 6] Ang Pasko ay sumapit na naman Kaya tayo ay dapat na magdiwang 'Pagkat ngayon ay araw ng pagsilang Ni Hesus na 'di natin malilimutan [Verse 7] Halina, tayo ay manalangin Nang tayong lahat ay Kanyang pagpalain Ang Pasko ay ating pasayahin Sa pagmamahalan natin [Part IV: Dalangin Sa Pasko] [Verse 8] Maligayang Pasko sa bawat tahanan Ang dalangin namin, sana ay makamtan Masaganang buhay sa taong darating Ang maging palad sana natin [Verse 9] Dinggin lamang ang dalangin Darating ang hangarin Sama-sama na awitin Ang isang "Ama Namin" [Part V: Pasko Ng Madla] [Verse 10] May gayak ang lahat ng tahanan Masdan niyo at nagpapaligsahan May parol at ilaw bawat bintana May sadyang naiiba ang ibang kulay [Verse 11] Kay ganda ang ayos ng simbahan Ang lahat ay inaanyayahan Nang dahil sa pagsilang sa Sanggol Na Siyang maghahari nang panghabang-panahon [Chorus] Ang Pasko'y araw ng bigayan Ang lahat ay nagmamahalan Tuwing Pasko ay lagi nang ganyan May sigla, may galak ang bayan [Part VI: Mano Po Ninong] [Verse 12] Maligayang Pasko, kayo'y bigyan Masaganang bagong tao'y kamtan Ipagdiwang, araw ng Maykapal Upang manatili sa atin ang kapalaran At mabuhay na lagi sa kapayapaan [Chorus] Mano po, ninong, mano po, ninang Narito ako, ngayo'y humahalik sa inyong kamay Salamat, ninong, salamat, ninang Sa aginaldo po inyong ibibigay [Outro] Pasko na naman Pasko na naman Kaya ako ngayo'y naririto Upang kayong lahat ay aking handugan Ng iba't ibang himig na Pamasko Maligaya, maligaya Maligayang Pasko sa inyong lahat