Skinny Goth Little Red Girl (Iri-Chan’s Ballad)

Lyrics

نعس نعسة خفيفة مور ما كلا بيصارة د الفول وحلم غايلقاها فالغوز كي الشجرة د اللوز فاق لݣا راسو باقي خارج من الفصول ومال فصل الجوع مت مو مابغاش يدوز؟ و بوسة ذهبية تلمع الكبت الشايع مع غوتة سكوتية خارجة من الشعب الضايع و الموجة الموجة الموجة الموجة جاية تفني القصر المبني فوق الرملة و هاكا هي حية من ديما، من طلوع الشمش ماحافياش لينا الذاكرة واخا الحنك قايس الرمش و الهدية الهدية الهدية جاية فرحانة بريوس شبعانة ݣملة فالمراية الكذابة خليهم يشوفو و ݣول لعشران الخوف: طز، جمافو! و المراية الكذابة خلاتهم يشوفو كلشي جميل، كلشي سعيد، كلشي طويل كول شي فنيد، شوف شي طبيب، ماتكونشي عنيد و وقف تشوف اللوحة! بغا يفهم الوليد ب تيو ليموني هذا غي غدا فالجردة تاتجي الزردة من المرود و بنت بالݣرينات خلاص لبسو ليها التوني ݣولو لعبادين الظل راه طلعو القرود و بوسة ذهبية تلمع الكبت الشايع مع غوتة سكوتية خارجة من الشعب الضايع و الموجة الموجة الموجة الموجة جاية تفني القصر المبني فوق الرملة و هاكا هي حية من ديما، من طلوع الشمش ماحافياش لينا الذاكرة واخا الحنك قايس الرمش و الهدية الهدية الهدية جاية فرحانة بريوس شبعانة ݣملة فالمراية الكذابة خليهم يشوفو و كول لعشران الخوف: طز، جمافو! و المراية الكذابة خلاتهم يشوفو كلشي جميل، كلشي سعيد، كلشي طويل كول شي فنيد، شوف شي طبيب، ماتكونشي عنيد و وقف تشوف اللوحة! كلمات و ألحان و آلات و كليب و للي بغيتي : الشاب