巨星 (Superstar) (Live at MacPherson Stadium 2016)

Lyrics

[黃耀明《巨星 (Live)》歌詞] [主歌一] 飄過白雲天際 頓然不覺往事消逝 腳下咫尺片地 所見世事瞬息紛爭 [主歌二] 高處白雲深處 遠離束縛 了無牽制傲然萬世上 升起堅守方向 不怕世事變幻無常 [副歌] 難道世上是那樣 獨有愁沒有歡暢 留下你 留下我 埋盡了無限的悲傷 一旦衝破障礙 遠離風雨際 不管艱難 誓要堅決立志莫回頭 [副歌] 難道世上是那樣 獨有愁沒有歡暢 留下你 留下我 埋盡了無限的悲傷 一旦衝破障礙 遠離風雨際 不管艱難 誓要堅決立志莫回頭 [尾奏] 沖破萬重黑暗 遠離風雨 脫離污穢傲然萬世上 升起堅守方向 不怕世事變幻無常 [讀白] 兩年前呢其實我做咗一個嘅演唱會叫做《太平山下》,喺差唔多呢一個時候。當時有一首嘅主題曲啦,係林夕寫嘅叫做《太平山下》啦當然。噉裡邊有一句呢係當時我覺得好中嘅,就係叫做「現在是爛鬥爛 今天的紫荊花金得太糜爛」。過咗兩年,你覺得香港係更金,抑或係更爛呢?我諗大家 *笑聲* 心中有數啦吓。 以下呢我揀咗一首歌,呢首歌呢其實呢就唔係屬於亞洲電視,但係其實亦都係黎小田嘅作品嚟㗎,亦都係啊黃霑先生嘅作品嚟㗎,佢哋兩個一齊寫㗎。我揀呢一首歌係因為我覺得,呢一首歌裡邊講嗰個 message 係好重要,叫做我哋嘅「個體」,我哋嘅 individuality。 喺好多我哋長大嘅過程裡邊呢,呢個社會其實都唔鼓勵我哋表達我哋自己。喺香港嘅歷史裡邊,我哋從來都係畀人哋拋離拋去。我哋喺百幾年前割讓咗畀英國,係一個殖民地。然後喺十幾廿年前,我哋又送返畀中國。其實當中呢,我哋每一個嘅香港人其實係冇話事權㗎,都係上邊喺度喴吰吰。我覺得喺呢一個香港咁重要嘅時候,我覺得我哋每個人都應該行出嚟,話畀大家聽,你哋要問清楚我其實想香港係點樣㗎。我想嘅香港係一個點樣 run 嘅香港,點樣走嘅香港。我希望呢一首歌可以送畀大家,鼓勵大家繼續唔好埋沒自己嘅真我,活出自己嘅本色。