I.Q.成熟時 (I.Q. 100) (Live at MacPherson Stadium 2016)

Lyrics

[黃耀明《I.Q.成熟時 (Live)》歌詞] [讀白] 呢隻歌,你哋應該會識嘅。 [主歌一] 每次我寫新詩 (詩) 費盡勞力心思 (思) 形容詞用盡也不似 (不似) 難形容是癡心 (心) 難形容是真愛 (愛) 令我猶疑寫了又試 [副歌] 心中的影子 小小的天使 你那笑臉迷住了我心智 (IQ 成熟時) 應怎麼開始 開始第一次 每次遙望你苦未已 [主歌二] 遙遙沉默注視 (視) 每日期望孜孜 (孜) 時時期望建立是友誼 情懷澎湃不止 (止) 情懷原是真摯 (摯) 但怎可以使你會意 [主歌一] 每次我寫新詩 (詩) 費盡勞力心思 (思) 形容詞用盡也不似 (不似) 難形容是癡心 (心) 難形容是真愛 (愛) 令我猶疑 寫了又試 [副歌] 心中的影子 小小的天使 你那笑臉迷住了我心智 (IQ 成熟時) 應怎麼開始 開始第一次 每次遙望你苦未已 [副歌] 心中的影子 小小的天使 你那笑臉迷住了我心智 (IQ 成熟時) 應怎麼開始 開始第一次 每次遙望你苦未已 [主歌二] 遙遙沉默注視 (視) 每日期望孜孜 (孜) 時時期望建立是友誼 情懷澎湃不止 (止) 情懷原是真摯 (摯) 但怎可以使你會意 [讀白] 《I.Q.成熟時》,多謝。其實呢我都係喺廣播道長大嘅。我係大概喺八〇八一年嘅時候呢係喺無綫嘅訓練班訓練嘅。我記得我哋訓練班嘅時候呢,有一年實習嘅時候呢,我哋要去到無綫電視,即係—嘅總台啦,喺五台山嘅—即係而家廣播道嗰度有個總台。我哋喺嗰度—因為好似得嗰度先有 canteen 嘅,因為我哋上堂我哋返學冇 canteen,噉我哋要去嗰度食飯。噉呢就有一日呢我見到個大堂呢有好多人,有啲歌迷啊,有好多記者喺度,啫係追住一個青春偶像。咦?噉望下嗰個係邊個嚟嘅先!喔,原來嗰個係啱啱 IQ 成熟咗嘅蔡楓華。*觀眾笑聲* 佢知道原來無綫好過亞視——好過麗的啊,當時係麗的啊。佢係喺麗的出身嘅,噉所以佢係啱啱加盟咗無綫。 然後無綫開咗一個新嘅節目,叫做《勁歌金曲》,噉佢就主持嗰個嘅《勁歌金曲》嗰個節目。然後喺幾年之後,就發生咗一個嘅小插曲啦,就係喺呢個季選裡邊呢,係蔡楓華做呢個主持人,然後張國榮就攞咗三首入選嘅歌曲啦。噉然後蔡楓華作為一個主持人呢就講咗一句説話,大家都識㗎啦,就係:「一剎那不代表永恆。」 過咗咁多年之後,今日我企咗喺呢度,我突然間諗起,究竟其實咩先至係永恆呢呵?點樣先至係永恆?其實係,張國榮係永恆,蔡楓華先至係永恆。其實佢一個月之後喺伊館開 show 啊,大家買飛去睇吖。*觀眾笑聲* 抑或係,噚日死咗但係今日以另一種方式存在嘅亞視先至係永恆呢?呢一個一百萬嘅問題,我交畀百萬富翁。